TACLOBAN CITY – Base sa record sa PDEA RO8, niabot sa total nga pito (7) ka High Value Target nga mga personalidad ang na aresto sa ahensya sa unang buwan palang ning tuiga (January 2024).
Samtang dunay lima (5) ka gitawag ug non-HVT nga mga indibidual ang nasikop. Niresulta usab kini sa pagka rekopo gikan sa ilang posisyon ang total nga 288.2626 grams sa Methamphetamine Hydrochloride o ang “shabu.” Duna kini market value nga kapin sa 1.9 million pesos (PHP 1,960,185.68).
Sumala pa sa ahensya gikan kini sa unom (6) ka anti-drug nga operasyon diin sila ang nag pasiugda; ug laing unom (6) pa ka joint operations kauban ang PNP og ubang Law Enforcement Agencies (LEAs) o suma total sa dose (12) ka anti-drug operations.
Dugang pa sa PDEA nga ang nasangpit nga “accomplishment” nakab-ot pinaagi sa kolaborasyon sa kaubang pwersa ug autoridad og suporta gikan sa komunidad. Ingon man usab sa implementasyon sa Barangay Drug Clearing Program (BDCP), hinungdan nga niubos ang apiktadong lugar sa illegal nga drogas dinhi sa Eastern Visayas.
Pahayag pa sa ahensya, “As part of PDEA’s two-pronged approach in the reduction of drug affectation, the demand reduction accomplishments likewise plays a vital role.”
Kalabot naman kini sa anti-drug lectures diin niabot ug 37 ka lecture ang ilang na pahigayon sa tibuok buwan sa Inero lukop Rehiyon Otso. Ang mga nitambong niini nga pakig pulong gikan sa SK Officials, apil ang mga empleyado gikan sa gobierno ug pribadong kompaniya ug uban pang sektor.
Sa katapusan nag kanayon pa ang PDEA 8, “This is the way to go as we strive for a drug-free country; we will not falter as long as we are in this fight together.” Ni Josie Sersena (EV Mail Feb. 5-11, 2024 issue)
