Dear Atty. Golo,
Wanted gihapon diay si Quiboloy? Kalooy, di siya maka date inig “valentines”? Unsa may iyang kaso? Anak man kaha siya sa Guinoo. Daghan pong nailad. Ako di jud ko pailad. Mao bitaw wa pa ko maka uyab. 61 na diay ko. Teacher. Daga gihapon. Nag wanted lagi ko og Valentino, naa ka ika recommend? Naay nag chat naho 29 ang edad, member kono siya sa SK! Tinod-anay kaha tong iya? SK diay gihapon bisan hapit na ma 30? Kon duna gani ko magustohan, pwede ako ihatag niya ang ako retirement og “death benefits” pohon. Hapit na ra ba ang Valentines. Maka uyab pa kaha ko?
Excited kaayo,
Mam Malou
Dear Mam Malou,
Ang edad nga naglangkob sa Sangguniang Kabataan dugay nang gi-isa gikan 15 anyos ngadto sa 30 (RA10742). Sa ato pa, kadtong nag chat nimo, wa to mangilad sa iyang pagka SK. Bahin ni Quiboloy, daghan ang kaso nga iya giatubang didto sa America sama sa “sex trafficking of children, bulk cash smuggling,” etc. Hantod karon wa siya madakpi sa FBI kay wa man sila mo “request” og “extradition.” Dunay mga namasangil nga giabusahan ang ilang pagkababaye kay kono kon dili sila mosogot, dili sila malangit. Laktod sulti, nailad sila. Aron ka maka-uyab, pailad pod.
Imong friend sa FB,
Kuya Manny (EV Mail Feb. 5-11, 2024 issue)
